Foods

மதுபானங்களை வீட்டிற்கே டெலிவரி….! 

தமிழ்நாட்டின் டாஸ்மாக் கடைகளை திறக்க அரசு அனுமதியளித்ததை தொடர்ந்து இரண்டு நாட்களுக்கு மட்டும் மதுக் கடைகள் திறக்கப்பட்டன. எனினும், பாதுகாப்பு விதிமுறைகள் மீறப்படுவதால் மதுக் கடைகளை மூடும்படி சென்னை உயர்நீதிமன்றம் உத்தரவிட்டது. மறுபுறம், மதுபானங்களை வீட்டிற்கே டெலிவரி செய்வதற்கான வழிமுறைகள் குறித்து அரசு பரிசீலிக்க வேண்டுமென உச்ச நீதிமன்றம் கருத்து தெரிவித்தது. இந்த கருத்துக்கு மகாராஷ்டிரா உள்ளிட்ட பல மாநில அரசுகள் வரவேற்பளித்துள்ளன.

மதுபான டெலிவரிக்கு அனுமதி பெற ஜொமாட்டோ நிறுவனம் ஏற்கெனவே முயற்சிகளை மேற்கொண்டு வருகிறது. இதுமட்டுமல்லாமல், மதுபான டெலிவரி குறித்து ஸ்விகி, ஜொமாட்டோ, லிக்ஹப், ஹிப்பார் போன்ற நிறுவனங்களிடம் ஒடிசா, பஞ்சாப், டெல்லி, மேற்கு வங்கம், ஜார்கண்ட் போன்ற மாநில அரசுகள் பேச்சுவார்த்தை நடத்தியுள்ளன.

பாதுகாப்பு வழிமுறைகளை கடைப்பிடித்து மதுபான டெலிவரியை மேற்கொள்ள அனுமதி கோரி மாநில அரசுகளிடம் ஸ்விகி நிறுவனம் பேச்சுவார்த்தை நடத்தியுள்ளதாக தெரியவந்துள்ளது. இதுகுறித்து அந்நிறுவனத்தின் தலைமை இயக்க அதிகாரி விவேக் சுந்தர், “அரசு அனுமதி அளித்தால் நாங்கள் மது டெலிவரி தொடர்பான வாய்ப்புகளை ஆராய்வோம். அவசர அவசரமாக நாங்கள் இதை நடைமுறைப்படுத்தப்போவதில்லை. அதேபோல அனைவரது பாதுகாப்பையும் உறுதி செய்வோம்” என்று தெரிவித்துள்ளார்.

Show More

Related Articles

Leave a Reply

Your email address will not be published. Required fields are marked *

Back to top button
Close
Close